អាថិ៍កំបាំងនៅពីក្រោយតម្លៃដ៏សែនថ្លៃរបស់រថយន្តទំនើប Roll-Royce !

រថយន្តម៉ាក់ទំនើប​ Roll-Royce ត្រូវបានគេស្គាល់ថាជារថយន្តដ៏ប្រណិតបំផុតរបស់ពិភពលោក តាមរយៈភាពល្បីល្បាញជារថយន្តដែលត្រូវបានធ្វើដោយដៃ (កំលាំងមនុស្ស) គ្មានឡើយថ្នេរក្នុងការដេរភ្ជាប់ និងកំរាលព្រំដ៏វិសេសវិសាលសម្រាប់ម្ចាស់រថយន្ត។ ដោយហេតុនេះហើយបានធ្វើឲ្យរថយន្តនេះ គឺមិនមានតម្លៃថោកឡើយ។ ទាំងនេះគឺជាឈ្មោះរថយន្តខ្លះៗដែលបានលក់ដាច់ជាងគេ​ និងតម្លៃចាប់ផ្តើមនៃម៉ាក់រថយន្ត Roll-Royce :

 

ប៉ុន្តែ ជាមួយការបន្ថែមជាពិសេសនៃជម្រើសដ៏ច្រើន ដែលគេហៅថា Unlimited Optional Extras  ការតម្លើងសមត្ថភាពរថយន្ត និងការឌីហ្សាញរថយន្តដែលអ្នកទិញរថយន្តអាចធ្វើការកុម៉ង់តាមចំណង់ចំនូលចិត្តផ្ទាល់ខ្លួនបាន វាបានធ្វើឲ្យតម្លៃពិតប្រាកដនៃរថយន្ត Roll-Royce ដែលផលិតឡើងដើម្បីសម្រាប់តែតម្រូវម្ចាស់រថយន្តនេះ មិនមានតម្លៃស្ដង់ដារកំណត់ជាក់លាក់នោះឡើយ។ អោយមែនទែនទៅ ក្រុមហ៊ុន Roll-Royce បានបានបដិសេដ ក្នុងការកំណត់តម្លៃទាបជាងគេ​នៃរថយន្តរបស់ខ្លួន ដោយសារមូលហេតុថា តម្លៃវាពឹងផ្អែកលើលក្ខណៈនៃអតិថិជនម្នាក់ៗ​ និងជម្រើសក្នុងការឌីហ្សាញបន្ថែម ជាមួយនឹងសមត្ថភាពបន្ថែមរបស់រថយន្តដែលធ្វើតាមការប្រាថ្នារបស់អតិថិជន តាមរយៈការពិភាក្សាជាមួយក្រុមការងារទទួលបន្តុកផលិតរថយន្តនោះ។ ដូច្នោះ តើអ្វីជាលក្ខណៈពិសេសបន្ថែមដែលតម្រូវតាមការចង់បានរបស់អតិថិជន? និងថាតើ លក្ខណៈពិសេសទាំងនេះពិតជាធ្វើអោយរថយន្តនេះ សាកសមជារថយន្តមានតម្លៃថ្លៃកប់ពពករបស់ពិភពលោក ឬយ៉ាងណា?

លក្ខណៈពិសេសទី១ ដែលយើងអាចនិយាយបានគឺជា ពណ៌ នៃរថយន្ត ។ ជាការពិតណាស់ ជម្រើសពណ៌នៃរថយន្ត Roll-Royce មានទៅដល់ ៤ ៤០០០ ពណ៌ឯណោះ។ ដែលការណ៍នេះធ្វើអោយអតិថិជនអាចកុម៉ង់ ពណ៌ដែលខ្លួនពេញចិត្ត មិនថាជាពណ៌អ្វីឡើយ ជាឧទាហរណ៍ អតិថិជនខ្លះបានកុម៉ង់ពណ៌ ឲ្យសមនឹងបបូរមាត់ខ្លួន ឲ្យសមនឹងផ្ទះខ្លួន ឬអ្វីដែលពួកគាត់មាន និងមានអតិថិជនម្នាក់បានកុម៉ង់ពណ៌ ឲ្យដូចឆ្កែចិញ្ចឹមរបស់គាត់ ដែលជាឆ្កែប្រភេទ Red setter ផងដែរ ។

រូបសត្វឆ្កែពូជ Red Setter  

                               

ដូចនេះ វាជាការងារពួកយើងក្នុងការចម្លងតាមពណ៌ទាំងនោះអោយដូចបេះបិត មិនថាត្រូវធ្វើតាមរយៈ DNA ឬ តាមបច្ចេកទេសគីមីវិទ្យា ឬតាមរយៈអ្វីក៏ដោយ ដែលចំណុចនេះ វាគឺជាចំណុចដែលធ្វើអោយក្រុមហ៊ុនយើង ពិសេសគ្មានក្រុមហ៊ុនរថយន្តណាអាចប្រៀបធៀបបានឡើយ។ ពណ៌ដែលអតិថិជនបានជ្រើសរើស គាត់អាចចុះបញ្ជី ដាក់ឈ្មោះពណ៌នោះ ហើយវានឹងក្លាយជាពណ៍របស់គាត់ ដែលអតិថិជនផ្សេងមិនអាចកុម៉ង់ដូចបានឡើយ។  ហើយប្រសិនបើអតិថិជនផ្សេងដែលចង់ប្រើប្រាស់ពណ៌នោះ គាត់ត្រូវទទួលការអនុញ្ញាតពីអតិថិជនដែលជាម្ចាស់ពណ៌ដែលបានចុះបញ្ជីជាមុនសិន។ "នៅពេលដែលយើងទៅកន្លែងបាញ់ពណ៌រថយន្ត យើងនឹងឃើញវាត្រូវបានហៅថា មជ្ឈមណ្ឌលបញ្ចប់ផ្ទៃនៃរថយន្ត ហើយវាហាក់ដូចជាមិនល្អស្ដាប់ទេ ដែលថាយើងគ្រាន់តែបាញ់ពណ៌ថ្នាំរថយន្តតែមួយមុខ ។ តាមពិតទៅវាមានរឿងត្រូវធ្វើច្រើនជាងនេះ ។ វាត្រូវការយ៉ាងហោចណាស់ស្រទាប់ខ្លះៗដែលត្រូវស្រោប ដូចជា ស្រទាប់នៃថ្នាំលាបដំបូងគេ ការស្រោបជាមូលដ្ឋាន ស្រទាប់ពណ៌ហើយវាជាធម្មតាត្រូវស្រោបស្រទាប់ធ្វើឲ្យរលាងថ្លា២ជាន់ ប៉ុន្តែអតិថិជនអាចកុម៉ង់ដល់ទៅ ២៣ស្រទាប់ក្នុងការស្រោបរថយន្តពួកគេឯណោះ ដែលកាលពេលកន្លងយើងធ្លាប់ធ្វើពីមុន វាស្មើរនឹងទម្ងង់៤៥គីឡូឯណោះ គ្រាន់តែការស្រោបស្រទាប់លើរថយន្តនេះ " បន្ថែមពីលើជម្រើសពណ៌ដ៏ច្រើនលើសលុប អតិថិជនអាចលាយបញ្ចូលពណ៌ដែលខ្លួនបានជ្រើសរើសជាមួយវត្ថុផ្សេងៗ ដើម្បីឲ្យកាន់តែមានភាពទាក់ទាញផងដែរ។ ​ជាឧទាហរណ៍មានអតិថិជនស្ដុកស្ដមមួយចំនួនបាន កុម៉ង់ពណ៌រថយន្តរបស់ខ្លួនដោយលាយបញ្ចូលជាមួយពេជ្រ ផងដែរ​។ ពួកគាត់បានអោយពេជ្រទាំងនោះមកកាន់ក្រុមការងារបង្កើតរថយន្ត ហើយពួកយើងបានបំបែកវាទៅជាបំណែកតូចៗ​​បន្ទាប់មកលាយជាមួយពណ៌។  ជាការកត់សំគាល់ជាងនេះ ទាក់ទងនឹងការលាបពណ៌រថយន្ត Roll-Royce មួយគ្រឿង វាត្រូវបានឡើងដោយមនុស្សតែមួយម្នាក់ប៉ុណ្ណោះ។ "ខ្ញុំមានឈ្មោះថា Mark Court ខ្ញុំគឺជាវិស្វកររចនារថយន្ត ។ ពាក្យថា​វិស្វកររចនារថយន្តមានន័យថា ខ្ញុំអាចលាបថ្នាំពណ៌តុបតែងជាលក្ខណៈបន្ទាត់នេះ នៅផ្នែកម្ខាងនៃរថយន្ត។ លក្ខណៈពិសេសគឺជាការពិតថា ខ្ញុំធ្វើវាដោយដៃរបស់ខ្ញុំសុទ្ធសាធ ។ ហើយខ្ញុំជាមនុស្សតែម្នាក់គត់ដែលអាចធ្វើការងារផ្នែកបន្តិចបន្តួចនេះ នៅលើម៉ាក់រថយន្ត Roll-Royce និង BMW ទូទាំងពិភពលោក។ ជក់ដែលខ្ញុំប្រើប្រាស់ក្នុងការធ្វើការងារនេះត្រូវបានធ្វើដោយ សក់សត្វកំព្រុក ​ ។ ពួកយើងបានស្វែងយល់ថា ជក់ដែលធ្វើដោយមនុស្ស វាងាយនឹងបង្កស្លាក់ស្នាមលើ បន្ទាត់ដែលបានលាបនោះ ហើយនេះគឺជា សក់សត្វកំព្រុកធម្មជាតិពិតៗ មិនបង្កស្លាក់ស្នាមសូម្បីតែបន្តិចឡើយលើបន្ទាត់ដែលបានលាបពណ៌។  ដូចនេះពួកយើងធ្វើការដោយឈរលើស្តង់ដារមួយ ដែលជាស្តង់ដារកាន់តែខ្ពស់។ ហើយពួកយើងប្រើប្រាស់ជក់ណាដែលមិនបន្សល់ស្ថាក់ស្នាម " ។ ហើយប្រសិនបើ អតិថិជនទិញរថយន្ត Roll-Royce សំរេចចង់ឲ្យមានការលាបពណ៌តុបតែងដែលមានលក្ខណៈជាបន្ទាត់ លើរថយន្តរបស់ពួកគេដូចនេះ លោក Mark ត្រូវធ្វើដំណើរទៅទីដែលអតិថិជនទិញរថយន្តនោះជាមួយឧបករណ៍ជក់សក់កំព្រុករបស់គាត់ "មិនថានៅទីណាឡើយ ក្នុងករណីវានៅទីក្រុងឌូបៃ ខ្ញុំត្រូវតែទៅឌូបៃ ដោយខានពុំបាន " ។

 រូបភាពលោក Mark កំពុងលាបពណ៍ថ្នាំលើរថយន្ត Roll-Royce

 ពណ៍រថយន្តRoll-Royceលាយបញ្ចូលជាមួយពេជ្រ 

                                 

វាមានចំណុច មួយចំនួនពាក់ព័ន្ធផ្នែកខាងក្រៅនៃរថយន្តដែលត្រូវតែធានាថាមិនមានកំហុស ដូចជាបន្ទះខ្យល់ចេញចូល ដែលមាននិមិត្តសញ្ញា Pantheon ដែលធ្វើដោយដៃ ស្នូលកណ្ដាលនៃបន្ទះកង់អក្សរ R ដែលត្រូវធានាថា វាមិនវិលតាមកង់រថយន្តឡើយ និងឡូហ្គូបែបសិល្បៈបុរាណដែលគេអោយឈ្មោះថា Spirit Of Ecstasy ។ ជារឿងដែលគួរឲ្យចាប់អារម្មណ៍ នៅក្នុងឆ្នាំ២០០៣​ ក្រុមហ៊ុនរថយន្តម៉ាក់ BMW  ចំណាយថវិកា ៦៥លានដុល្លាដើម្បីទទួលបានសិទិ្ធក្នុងការប្រើប្រាស់​ឈ្មោះ និមិត្តសញ្ញា និងឡូហ្គូបែបសិល្បៈបុរាណ Spirit of Ecstasy នេះផងដែរ ។ បើយើងក្រឡេកមើលផ្នែកខាងក្នុងនៃរថយន្ត ភាពប្រណិត និងតម្លៃទាមទារឲ្យមានការបង្កើនគុណភាពយ៉ាងខ្លាំង។ ដើម្បីបង្កើតរថយន្តពេលបើកបរមានសំលេងស្ងាត់ល្អ Roll-Royce បានបន្ថែមឧបករណ៍កាត់បន្ថយសំលេងដែលគេហៅថា Acoustic Insulation មានទម្ងន់ប្រហែល៣០០ផោន នៅជុំវិញផ្នែកកាបីន  ។ មួយវិញទៀត ក្រុមហ៊ុនដែលផលិតសំបកកង់សម្រាប់រថយន្តRoll-Royce បានអភិវឌ្ឈដោយបាញ់បញ្ចូលសារធាតុរាវទៅក្នុងកង់រថយន្តជំនួសខ្យល់ ដែលភាសារបច្ចេកទេសហៅថា Foam-filled Tires ឬ Tyrfil ដែលអាចកាត់បន្ថយសំលេងបានជាង ៩ ដេស៊ីប៉ែល ។ ជាងនេះទៅទៀត លទ្ធផលគឺមានប្រសិទិ្ធភាពមែនទែន នៅពេលដែល ក្រុមហ៊ុន Roll-royce បានយកចេញឧបករណ៍ការពារសំលេងខ្លះ ដើម្បីជៀសវាងបង្កការបង្អាក់សំលេងញ្ញាណ ដែលគេហៅថា Acoustic sensory deprivation ។

 

 បន្ទះខ្យល់ចេញចូល ដែលមាននិមិត្តសញ្ញា Panthom

              ស្នូលកណ្ដាលនៃបន្ទះកង់អក្សរ R

                          

  ឡូហ្គូបែបសិល្បបុរាណ Spirit of Ecstasy

               សារធាតុរាវទៅក្នុងកង់រថយន្តជំនួសខ្យល់ “Foam-filled Tires”

                                

           

បរិវេណផ្នែកទល់មុខកៅអីជួរខាងមុខនៃរថយន្ត Roll-Royce សេរី Phantom អាច ឌីហ្សាញជាកន្លែងតាំងវត្ថុសិល្បៈផ្ទាល់ខ្លួនរបស់អតិថិជន ដែលខ្លួនអាចកុម៉ង់អ្នករចនាសិល្បៈឲ្យតុបតែងឲ្យសម្រាប់ផ្ទៃទាំងនោះ។ ជាឧទាហរណ៍មានដូចជា  ការតុបតែងបន្ទះមាសមានក្បាច់រចនា បែប3D ធន់នឹងស្នាមប្រឡាក់ ដែលបានធ្វើតាមចរិកលក្ខណៈបុគ្គលនៃអតិថិជន។ លក្ខណៈពិសេសមួយទៀតនៃ Roll-Royce គឺដំបូលដែលបង្កប់ដោយពន្លឺតារា និយាយឲ្យកាន់តែច្បាស់គឺជាសំណុំដ៏ស្មុគស្មាញនៃពន្លឺដំបូលសសៃអំបោះដែលមានលក្ខណៈឆ្លុះចាំង ជាពាក្យបចេ្ចកទេសគេហៅថា Fiber Optic Roof Light ដែលវាបង្កើតបរិយាកាសមេឃនាពេលរាត្រី។​ វាទាមទារពេលវេលារហូតដល់១៦ម៉ោងឯណោះក្នុងការធ្វើដំបូលបង្កប់ពន្លឺតារានេះ ។ "ពួកយើងចាប់ផ្ដើមធ្វើវាដោយខួងវា ហើយចោះប៉ូលមួយៗដោយសរសៃអំបោះឆ្លងកាត់គ្រប់ឧបករណ៍សន្តិសុខ Alarm call ។ ដំបូលពន្លឺតារានេះត្រូវការកំលាំងអគ្គិសនី ១៣៤០វ៉ុល ។ ជាសរុបទៅ គោលបំណងនៃការងារនេះ គឺធ្វើយ៉ាងម៉េចធ្វើឲ្យសម្រេចថា មានផ្កាយ​នៅលើមេឃ​ដូច្នេះយើងនឹងមានដំបូលរថយន្តដែលជាមេឃនាពេលរាត្រីពោរពេញទៅដោយវូងផ្កាយ" ។  ជាមួយជម្រើសសម្ថភាពបន្ថែមនេះ អតិថិជនRoll-Royce ​​អាចកុម៉ង់ឲ្យបង្កើតពន្លឺផ្កាយ ការរចនាពន្លឺ ដូចជាផ្តាយធ្លាក់ចំរុះគ្នាជាដើម។ ក្នុងករណីនេះ មានអតិថិជនម្នាក់បានកុម៉ង់ឲ្យធ្វើការឌីហ្សញ វូងផ្កាយ​ ដែលដូចគ្នានឹងវូងផ្កាយចំយប់ដែលអតិថិជននោះបានកើតទៀតផង។ ក្រៅពីនេះ ស្រោមកៅអីអង្គុយក៏ត្រូវបានដេរ និងប៉ាក់តាមគំរូនៃជម្រើសរបស់អតិថិជនផងដែរ ដូចនេះវាមិនមានជាគំរូស្ដង់ដារជាក់លាស់ណាមួយឡើយដែលយើងធ្វើដដែរៗក្នុងការដេរប៉ាក់ស្រោមពូកកៅអី ដែលចំណុចនេះហើយជាលក្ខណៈពិសេសមានតែមួយគត់សម្រាប់អតិថិជន។ និយាយមែនទែនទៅ វាមិនមែនជារឿងដែលគ្រាន់តែ ស្កេនរូបភាព ហើយបំលែង វាទៅជាម៉ូតដេរប៉ាក់នោះទេ គឺរាល់ទិដ្ឋភាពនៃម៉ូតដេរប៉ាក់នីមួយៗត្រូវបានគិតគូរល្អិតល្អន់ណាស់។ ជ្រុងដែលខុសៗគ្នានៃថ្នេរប៉ាក់នឹងចាំងជាមួយពន្លឺក្នុងលក្ខណៈខុសៗគ្នាផងដែរ ។ ដូចនេះជាជាងគ្រាន់តែជារូបភាពរាបមួយ ពួកយើងបានបង្កើតវានៅក្នុងកម្រិតឲ្យកាន់តែប្រសើរបន្ថែម ដែលធ្វើឲ្យវាក្លាយជារូ​បភាពមានទំហំ៣ខ្នាត ដូចជា Hologram Effect ដែលអតិថិជនអាចបញ្ជាធ្វើនៅកន្លែងផលិតផងដែរ។  ការកុ​ម៉ង់ដេប៉ាក់ដ៏ស្មុគស្មាញបំផុត របស់​រថយន្តត្រូវបានធ្វើទៅលើ រថយន្ត​​ Roll-Royce ស៊េរីម៉ាក់ Phantom ដែលមានការរចនាផ្កាកុលាបជាពិសេស ដែលមានថ្នេរប៉ាក់នីមួយៗសរុបចំនួន១លាន ឯណោះ។ 

 

 ​បន្ទះមាសមានក្បាច់រចនា បែប3D ធន់នឹងស្នាមប្រឡាក់         

ពន្លឺដំបូលសសៃអំបោះដែលមានលក្ខណៈឆ្លុះចាំង “Fiber 

 optic roof light”

  

                                                                

"ការរចនាផ្កាកុលាបលើស៊េរីរថយន្តនេះ គឺជារចនាដេរប៉ាក់ដ៏ធំបំផុតដែលយើងធ្លាប់ធ្វើពីមុនមក។ ពួកយើងត្រូវតែ គិតមុនឲ្យបានម៉ត់ចត់ច្បាស់លាស់ ទៅនឹងអ្វីដែលបានកុម៉ង់ ដើម្បីឲ្យពួកយើងអាចដេរប៉ាក់ថ្នេរទាំងនោះ លើស្បែក ដែលជាកត្តាធ្វើឲ្យការដេរប៉ាក់​នោះ វាស៊ីទៅនឹងគំរូកុម៉ង់ ។ យើងត្រូវធានាថា ថ្នេរដេរប៉ាក់នោះ មិនខុសទីតាំងសូម្បីតែ១មីលីម៉ែតក៏ដោយ មិនអញ្ចឹងទេ យើងមិនអាចសម្រេចការងារនេះបានឡើយ។ អ្នកអាចក្រឡែកមើល​ជ្រុងតូចមួយនៃ ស៊េរីរថយន្តម៉ាក់ Phantom ដែលមានរចនាផ្កាកុលាប វាគឺជាឧទាហរណ៍ល្អមួយបង្ហាញថាការដេរប៉ាក់រូបសត្វមេអំបៅមួយដែលមើលទៅដូចរូបភាពមួយសោះ បានក្លាយជាការដេរប៉ាក់ដ៏សែនស្មុគស្មាញមួយ។ មកទល់ពេលនេះ សម្រាប់វត្ថុធាតុផ្សំនៃរចនាបទផ្កាកុលាបលើដំបូលរថយន្តស៊េរី Phantom វាមានទិចនិចខ្លះៗដែលយើងមិនធ្លាប់សាកល្បង ពីព្រោះតែទំហំខ្នាតនៃដំបូលរថយន្ត ដូចនេះយើងត្រូវការបំបែកការប៉ាក់លើដំបូលទាំងនោះទៅជាផ្នែករៀងៗខ្លួន ដែលយើងឃើញមាន រូបសត្វមេអំបៅ ក្បាលផ្កាកុលាប ដើម និងស្លឹករបស់វាផងដែរ។ ទីនេះ អ្នកអាចមើលឃើញថា ជាទូទៅវាមានស្រទាប់ខុសៗគ្នាដែលមានពណ៌ថ្នេរចំរុះគ្នា នៅក្នុងកម្រិតទំហំខុសៗពីគ្នាផងដែរ ដោយការធ្វើតាមរបៀបនេះ យើងអាចបង្កើតបាន Fade Effect ដែលពណ៌វាកាន់តែងងឹតៗទៅ នៅផ្នែកកណ្ដាល នៅផ្នែកស្លាប ហើយយើងអាចកែកុនវាទៅតាមគុណភាពដែលយើងរំពឹងទុក បន្ទាប់មកយើងបញ្ចូលផ្នែកទាំងអស់បញ្ចូលគ្នា ហើយភ្ជាប់វាទៅនឹងដំបូលរថយន្តតែម្ដង" ។

រូបមេអំបៅ និងផ្កា ដែលមិនទាន់ភ្ចាប់បញ្ជូលគ្នា

ការរចនារូបមេអំបៅ និងផ្កាកុលាប

ការលក់រថយន្តRoll-royce បានកើនឡើងជាខ្លាំងនៅក្នុង១០ឆ្នាំចុងក្រោយនេះ ។ ក្នុងឆ្នាំ២០១៩ ការលក់ បានកើនឡើងជាង២៥%​​ ដែលត្រូវជា ៥១៥២គ្រឿង​​ ដែលអតិថិជនមានវ័យជាមធ្យមបានធ្លាក់ចុះពី ៥០ឆ្នាំផ្លាយ ទៅ​អាយុ ពាក់កណ្ដាល ៤០ឆ្នាំ។

អ្នកអាចយកឧទាហរណ៍ តារាចំរៀង Hiphop លោក Drake   មកនិយាយ ដែលជាធម្មតាការបន្ថែមលក្ខណៈពិសេសផ្សេងៗទៅលើ ស៊េរីម៉ាក់ Phantom ចំណាយខ្ទង់ខ្ពស់បំផុតគឺតម្លៃ ៧០ម៉ឺនដុល្លា ប៉ុន្តែដោយសារគាត់បានកុម៉ង់លក្ខណៈកាន់តែពិសេសបន្ថែមទៀត ដូចជា ពេជ្រដែលត្រូវបានកំទេចលាយជាមួយពណ៌ លើបរិវេណ ឡូហ្គូ Spirit of Esctasy ជាដើម ដែលបានទាញតម្លៃរថយន្តហក់ដល់ ១លានដុល្លា ឯណោះ។

តារាចំរៀង HipHop លោក Drake

ឡានរបស់លោក Drake

ម៉ូតរថយន្តដែលថ្លៃជាងគេរបស់ម៉ាក Roll-Royce នាពេលណាៗទាំងអស់ត្រូវបានគេឲ្យឈ្មោះថា Swept Tail ។ រថយន្តស៊េរីនេះ គឺជាសមិ្ធផលដែលចំណាយរយៈពេល​៤ឆ្នាំ ហើយវាត្រូវបានរាយការណ៍ថាមានតម្លៃរហូតដល់ ១៣លានដុល្លាឯណោះ ធ្លាប់ជាប់ឈ្មោះជារថយន្តដែលថ្លៃជាងគេរបស់ពិភពលោកនាពេលកន្លងមក។  ជាចុងក្រោយ ខណៈពេលក្រុមហ៊ុនរថយន្តកំពូលៗផ្សេងៗកំពុងផ្តោតចុក្ខវិស័យលើ ល្បឿន សំទុះ ភាពរលូននៃចលនា និងទម្ងន់កាន់តែស្រាលទៅៗរបស់រថយន្ត រថយន្ត Roll-Royce នៅតែរក្សាតម្លៃដ៏សែនថ្លៃរបស់ខ្លួនដោយសារមូលហេតុតែមួយគត់ នោះគឺ ភាពប្រណិត។

 ម៉ូតរថយន្ត “Swept Tail”

ប្រភព៖ Business Insider 

អត្ថបទដោយ ៖  អេ ជេ (AJ)