ទាំងនេះគឺជាយុត្តិសាស្រ្តធ្វើឲ្យ Starbuck អាចទាញលុយពីហោបៅអតិថិជនបានបន្ថែម

 

វាជារឿងដែលពិបាកណាស់ក្នុងការដើរកាត់ហាងកាហេ្វដែលមានកាហ្វេស្រស់ៗខ្លិនឈ្ញុយឈ្ញប់ ដោយមិនទិញ ។ ជាក់ស្ដែង ដូចហាងកាហ្វេមានរូបឡូហ្កូនាងមច្ឆាពណ៌ មានផ្ទៃបៃតងព័ទ្ធជុំវិញ ដែលយើងគ្រប់គ្នាស្គាល់និងហៅថា “Starbuck”  ដែលមាននៅពោរពេញពិភពលោក។  តទៅនេះ គឺជារបៀបដែល សាខាហាងកាហ្វេដ៏ធំជាងគេរបស់ Starbuck នៅទីក្រុង Seattle បានច្បិចយកផលចំនេញពីលើតម្រូវកាហ្វេរបស់មនុស្សទូទៅ។ វាមានកត្តាជាច្រើន ដែលធ្វើឲ្យ Starbuck អាចធ្វើឲ្យយើងហូតលុយពីខោបៅបន្ថែមលើតម្លៃដែលយើងបានរំពឹងទុក។ ជាទូទៅ យើងតែងតែមើលរំលងកាហ្វេថោកៗ ដូចជា ប្រេនម៉ាក់ Deli Joe ហើយជ្រើសរើសចំណាយលុយបន្ថែមបន្តិចមកផឹកកាហ្វេ Starbuck វិញ ។ តើមូលហេតុអ្វីដែល Starbuck អាចទាក់ទាញមនុស្សជាទូទៅបានដូច្នោះ?

ហាងកាហ្វេ Starbuck ធំជាងគេទូទាំងពិភពលោក ក្នុងទីក្រុង Seattle

សម្រាប់មូលហេតុមួយ Starbuck បានស្វែងរកឃើញរូបមន្តក្នុងការធ្វើកាហ្វេ Frappuccino និង ក្រុមកាហ្វេទឹកកក (Iced Coffee) ដែលរក្សាបានរសជាតិដើមជាប្រចាំ។​​ វាជាគោលការណ៍របស់  Starbuck ដែលតែងតែបង្កើននូវជម្រើសបន្ថែមលើមុខមីនុយភេសជ្ជៈរបស់ខ្លួនដែលមានស្រាប់ ដូចជា យូនីខន(Unicorn) , ហ្សាំប់ប៊ី(Zombie) , ដប់បលដប់បល ហ្វើក​បារហ្ស្វេបកាពូស៊ីណូ (Double Double Fudge Bar Frappuccino) និង ផាមខីនស្ពាយឡាតេ (Pumpkin Spice Latte) ជាដើម។ ទាំងនេះ​ បានធ្វើឲ្យអតិថិជនគ្រប់ទិសទីប្រញ្ញាប់ប្រញ្ញាល់ ទៅហាង Starbuck ដែលនៅជិតពួកគេបំផុត ដើម្បីទទួលយកបទពិសោធន៍ក្នុងការសាកល្បងរសជាតិថ្មីទាំងនោះ ។ ការណ៍នេះ បានធ្វើឲ្យអតិថិជនStarbuck រក្សាបានភាពរីករាយ និងភាពដែលមិនអាចទាយទុកមុនបានទៅនឹងរសជាតិថ្មី។

Frapcappucino 

Iced Coffee

                                                                            

ហាងកាហ្វេ Starbuck ត្រូវបានឌីហ្សាញឡើងយ៉ាងស្រស់ស្អាត ដែលទាក់ទាញក្រសែភ្នែកអតិថិជន កាលដែលពួកគេឈានជើងចូលហាង ។ មួយវិញទៀត ផ្នែកអាហារត្រូវបានដាក់តាំងក្នុងទូរកញ្ចក់ដែលស្ថិតនៅទីតាំងយ៉ាងល្អ ងាយស្រួលក្នុងការចាប់ចិត្តអតិថិជន តាមរយៈភាពទំនងរបស់វា។ ហើយក៏មានដែរ ផលិតផលមើលទៅគួរឲ្យទាក់ទាញមួយចំនួន ដែលវាត្រូវចុះបញ្ជីជាផលិតផល Starbuck ដូចជា ស្ករគ្រាប់ , នំខុកឃី និងសណ្ដែកដីជាដើម ដែលមានតម្លៃដើមថោក ប៉ុន្តែត្រូវបានដំឡើងថ្លៃក្នុងនាមជាផលិតផលរបស់ Starbuck។ ចំណុចទាក់ទាញមួយទៀត ហាង Starbuck តែងតែផ្លាស់ប្ដូរទីតាំងក្នុងប្លង់ហាង ដើម្បីធ្វើយ៉ាងណាឲ្យអតិថិជនអាចចាប់អារម្មណ៍ផលិតផលថ្មីដែលពួគគេមិនធ្លាប់សាកល្បងពីមុន។ ក្រៅពីនេះ Starbuck ជានិច្ចកាលធ្វើការផ្លាស់ប្ដូរទំនិញថ្មីៗ និងឌីហ្សាញកែវកាហ្វេរបស់ពួកគេឲ្យស៊ីជាមួយរដូវកាល ធ្វើយ៉ាងណាបង្ហាញពីពិធីបុណ្យប្រចាំឆ្នាំនាៗ និងសម្រាប់យកទៅផុសក្នុង អ៊ីនស្ដាក្រាម (Instagram) ជាដើម ។

ទីតាំងដាក់តាំងអាហារ

ការឌីហ្សាញក្នុងហាង

                                                                                      

  កែវកាហ្វេតាមរដូវកាលនៃបុណ្យប្រចាំឆ្នាំ

                                                 

ហើយចុះចំណែក ការឌីសខោន (Discount)  ឬក៏គេភាសាពេញនិយមគេនិយាយថា ហេបភីអៅវើ (Happy Hour) វិញ? ចំណុចនេះ ជាទូទៅត្រូវបានផ្សព្វផ្សាយនៅក្នុងហាង និងនៅតាមកម្មវិធីអ៊េប (App)​ របស់ខ្លួន ។ កម្មវិធីអ៊េប (App) ដែលផ្សាយពាណិជ្ជកម្មឲ្យប្រេន Starbuck ​នេះ កំពុងស្ទើតែផ្លាស់ប្ដូរការកម៉ុង់ ឲ្យដូចទៅជា ហ្គេមមួយប្រភេទ ដែលជំរុញឲ្យយើងព្យាយាមកម៉ុង់កាន់តែច្រើន ដើម្បីអាចទៅដំណាក់កាលបន្តបន្ទាប់។ តាមរយៈកម្មវិធីអ៊េប (App) នេះ អាចធ្វើឲ្យយើងទទួលបាន ប្រម៉ូសិនពិសេសៗ  រីឡូតខាត (Reload Card) របស់យើង និងសន្សំពិន្ទុដើម្បីទទួលបានរង្វាន់ ដែលរង្វាន់នេះជាឧទាហរណ៍ ការទិញកាហ្វេ Starbuck ១៦កែវ នឹងទទួលបាន១កែវដោយមិនគិតថ្លៃ ។

Starbuck App

អតិថិជនStarbuck ទូទៅដឹងថា ទំហំកែវកាហ្វេ Starbuck មាន៣ទំហំ ដូចជា កែវវែង កែវខ្នាតកណ្ដាល(Grande) និងកែវធំ (Venti) ប៉ុន្តែនៅមានកែវមួយទំហំទៀតដែលStarbuck មិនបានប្រាប់ យើង នៅគឺកែវខ្លី ដែលមានទម្ងន់ប្រមាណ ២២៧ក្រាម ។ កែវខ្លីនេះតូចជាង និងថោកជាងកែវវែង និងដើម្បីកម៉ុង់វា អ្នកត្រូវការសួរជាពិសេសទៅកាន់អ្នកឆុងកាហ្វេ។ វិធីសាស្រ្តមួយទៀត យើងអាចសុំអ្នកឆុងកាហ្វេឲ្យដាក់ទឹកកកតិច ជាជាងដាក់ទឹកច្រើន និងសុំដាក់កែវធំ ដោយដាក់ទឹកកកតិច តាមរយៈវិធីសាស្រ្តនេះ យើងអាចចំណាយប្រាក់តិចជាង និងទទួលបានបរិមាណកាហ្វេស្ទើតែដូចគ្នាដោយគ្រាន់ដាក់ទឹកកកតិច។ ចំពោះពាក្យចុងក្រោយជាការផ្តែផ្តាំ ប្រសិនបើអ្នកចង់មានកញ្ជប់ប្រាក់ដែលអាចទិញកាហ្វេបានរាល់ថ្ងៃ អ្នកប្រហែលត្រូវគិតឲ្យបាន២ដងមុនទិញកាហ្វេ Starbuck ។ 

ទំហំកែវ Starbuck